استشهاد احد رفاقنا الشهيد ديار عفرين

Em hevrêyên xwe Diyar Efrîn bi rêzdarî bi bîr tînin

Ji çapemenî û raya giştî re
Hevrêyê me Diyar Efrîn ku di xebatên me yên herêma Efrînê de bi erka xwe radibû, di 24’ê Puşperê de di encama qezayekê de şehîd bû.
Li dijî êrîşên dijwar ên artêşa Tirk a dagirker, çalakiyên me yên li Efrînê û herêmên din ên ji aliyê dewleta Tirk a dagirker ve hatine dagirkirin, dewam dikin. Em ji bo azadiya gelê xwe û xaka xwe bedelên mezin didin. Ji bilî rêhevalên me yên di qada şer de şehîd ketine, şehîdên ku herî zêde li ber me didin zorê û zehmetiyê, ew in ku me bi qezayê winda kiriye. Hevrêyê me Diyar ku li Efrînê weke kurê malbateke welatparêz ê Efrînî ji dayik bû û mezin bû, yek ji hevalên me ye ku di encama qezayeke nedixwest de şehîd ketiye.
Hevrêyê me Diyar piştî ku dewleta Tirk a dagirker di sala 2018’an de Efrîn dagir kir, tevî malbata xwe neçar ma koçî Şehbayê bike. Ji ber ku li hember malbat, gel û xaka xwe berpirsyariya xwe dizanibû, bi xwe rastî wê yekê hat ku ji bilî têkoşîna li dijî dagirkeran ti çareya wî tuneye. Tevî ku di sala 2019’an de dema tevlî hêzên me bû, ti ezmûna wî ya şer tune bû jî, di demeke kin de xwe di perwerdeyê de bi pêş xist. Hevrêyê me Diyar ku perwerdeya xwe ya bingehîn bi serkeftî qedand, piştî sala 2019’an rasterast beşdarî gelek çalakiyên me yên tolhildanê yên li dijî dagirkeran bû û di şer de jêhatî bû. Piştî ku ezmûna xwe ya şer di pratîkê de bi dest xist, beşdarî perwerdeyên şaxan jî bû. Rêhevalê me Diyar ku fermandarê tabûrê bû, kesekî ku hevalên di bin kontrola xwe de mijûl dibe, wan perwerde dike û ji pirsgirêkên wan re çareseriyê dibîne. Di vî warî de bûye hevalekî ku ji aliyê hevalên xwe ve tê hezkirin û mînak tê girtin. Hevrêyê me Diyar yê ku zewicî ye û zarokên wî hene jî bi gel ve girêdayî bû û li hemberî pirsgirêkên gelê me neçar nedima.
Hevrêyê me Diyar bi fedakar û kedkariya xwe, wê bibe mînakek jiyana me û tîmsalek tekoşîna me re. Em ê di têkoşîna xwe ya azadiyê de xwedî li bîranîna wî derkevin û xeyal û armancên wî ku di oxira wan de tekoşiya, bi ser bixînin. Di serî de sersaxiyê ji malbata hêja ya hevrê Diyar re û ji tevahiya gelê me yê Efrînê yê welatparêz û gelên herêmê re dixwazin.

Nasnameya pakrewanê me wiha ye:
Nasnav: Diyar Efrîn
Nav û Paşnav: Ziyad Medûr
Navê Dayikê: Sewliyê
Navê Bav: Horo
Cih û Dîroka Şehadetê: Herêma Efrînê | 24’ê Puşpera 2023

Hêzên Rizgariya Efrînê
25’ê Puşpera 2023